Isa na naming
outreach activity ang dala ng Dibu Kariton, ang pangunahing programa ng
administrasyong ito sa pamumuno ni Mayor Dibu S. Tuan, ang outreach program ay
ginanap sa Sitio Lamsine, Brgy. Sinolon, Tboli, South Cotabato kahapon July 8,
2015.
Ang Dibu
Kariton na may tagli na “Bringing the government closer to the people”ay
dala-dala ang iilang serbisyo na galing sa lokal na pamahalaan kagaya na lamang
ng libreng medical check-up, libreng bunot ng ngipin, libreng tuli at pamimigay
ng libreng gamot, kabilang din sa mga programa ang tree planting activity at
supplemental feeding, meron ding pagpaprehistro sa civil registrar kabilang na
ang birth certificate at marriage certificate, namigay rin ang Municipal
Agriculture office ng vegetable seedlings.
Kasabay ng
programa ay nagkaroon din ng pagkakataon ang mga opisyal ng minisipyo sa
pangunguna ni Mayor Dibu Tuan kasama na si Bise Mayor Grace S. Silva at ailing mga
miyembro ng Sangguniang Bayan na makapulonng ang opisyal ng barangay at ang mga
sitio leader sa pamamagitan ng isang caucus kung saan ay napag-usapan nila ang
mga pangangailangan ng bawat komunidad, at kung paano nila ito masusulosyunan.
Dahil na rin
sa init na dala ng panahon, nag-alok ang butihing alkalde ng sampung tubo ng sorbetes
para mapawi ang uhaw ng mga mamayan, na dinagsa hindi lamang ng mga bata
kabilang na ang mga matatanda at nagkaroon pa ng linya para sa mga senior
citizen.
Humigit kumulang
isang libo ang dumalo sa nasabing programa at daan-daan rin ang nakatanggap ng
iba’t-ibang serbisyong mula sa lokal na pamahalaan.
No comments:
Post a Comment