Thursday, June 25, 2015

Hidak falls binuksan, Ground Breaking isinagawa

Hindi naging hadlang ang malakas na pagbuhos ng ulan para  sa mga tagapangasiwa na ipagpatuloy ang naka iskedyul nang ground breaking ceremony ng Hidak Falls Eco-Tourism project sa barangay ng Kematu kahapon ng umaga Hunyo 24, taong 2015.

 Ang ground breaking ay gaganapin sana sa Hidak Falls area, subalit dahil na rin sa malakas na pagbuhos ng ulan ito ay inilipat sa Receiving Center ng mga bisita sa barangay complex ng Kematu.




Bilang isang high-end tourist destination, ang Hidak Falls ay binansagang “Sanctuary in the Greenwoods” na mayroong temang tree adventure para sa mga pasilidad nito at sa iba pang atraksyon.

Sa nakaraang mga linggo, pinauna nang ibinigay ng Department of Tourism Regional Office 12 ang halagang dalawa’t kalahating milyong piso sa lokal na pamahalaan ng Tboli para gamitin sa  unang bahagi ng pagpapatupad ng proyekto.

Sa magkahiwalay na okasyon, sinabi ni Tourism Officer Designate Rodel Hilado na inaprubahan na ng Tourism Infrastracture Economic Zone Authority o TIEZA ang dalawandaan at limampung milyung pisong panukala ng DOT 12 para pundohan ang state-of-the-art development ng Hidak Falls.

Sa kanyang mensahe, sinabi ni Punong Barangay Mansueto Dela Peña na siya ay nagpapasalamat sa Panginoon dahil sinagot nito ang kanilang mga panalangin sa pamamagitan ng pagdating ng proyektong pang turismo sa kanilang komunidad, na maari nilang mapakinabangan ang kanilang likas na yaman para sa benepisyo ng mga taong nakatira rito.



Pinangunahan ni Regional Director Nelly Nita Dillera ng Department of Tourism 12, kasama sina Vice Mayor Silva at ilang mga opisyal ng munisipyo at barangay ang pagdiriwang pati na rin ang ceremonial ground breaking. 

No comments:

Post a Comment