Independence Day idinaos, Lamhaku Hot Spring Binuksan sa Publiko

Nakiisa ang bayan ng Tboli sa pag diriwang ng ika isang daan at labimpitong kasarinlan ng bansang Pilipinas noong biyernes Hunyo 12, taong 2015 na pinangunahan ni Hon. Mayor Dibu S. Tuan, Vice Mayor Grace S. Silva at mga miyembro ng sangguniang bayan, kasama na rin ang mga empleyado ng munisipyo at ilang ahensiya ng gobyerno, ito ay idinaos sa unang pagkakataon sa baranggay Lamhaku, kasabay na rin ng pagbubukas ng Receiving Center ng Lamhaku El Kini o hot spring.

 

Matapos ang pagbibigay pugay sa watawat ng Pilipinas sa pamamagitan ng Flag raising ceremony at pag-aalay ng mga bulaklak, ay nagkaroon ng kaunting programa para sa pormal na pagbubukas ng Lamhaku El Kini o Hot Spring at nagsagawa ng ribbon cutting ceremony sa receving center nito.

 

Dinagsa ng mga bisita ang pagbubukas ng tourist spot, kabilang sa mga dumalo ay ang Provincial Information Office na pinamumunoan ni Romar Olivares, sampu ng kanyang mga kasama sa opisina, na nangakong tutulongan nila ang local na pamahalaan ng Tboli sa pag endorso ng nasabing tourist spot, meron ding ilang pribadong indibidwal na dumalo upang masaksihan ang pagbubukas nito at ng ma eksperyinsyahan ang kahangahangang tanawin sa Lamhako hot spring.

Sinubukan rin sa unang pagkakataon ang mga bagong biling ATV o all-terrain vehicle papunta sa Hot Spring, ayon pa kay mayor Tuan ang daan papunta sa doon ay “ATV friendly” o maayos ang daan para sa mga motorsiklong ito.

Sa kanyang mensahe sinabi ni Mayor Tuan na dapat pahalagahan at pakitungoan ng maayos ng mga tour guide at ng mga taong nakatira sa Brgy. Lamhako ang kanilang mga bisita, dahil ito ang magbibigay sa kanila ng magandang pagkakakitaan, ayon pa sa alkalde, na maswerte ang komunidad ng Lamhako dahil mayroon silang likas na yaman, kaya sila nabiyayaan ng malalaking proyektong katulad nito.